Səhərləri qızardılmış tost və ya isti kruassanla açmaq istəyirsinizsə Braun brendinin təqdim etdiyi tosterlərə nəzər yetirin. Braun HT3000WH modeli keyfiyyəti, məhsuldarlığı və asan idarə edilməsi ilə seçilir. Cihazın korpusu plastikdən hazırlanıb. Ağ rəngi ilə digər mətbəx texnikasına uyğunlaşan bu qurğu eyni anda 2 tost hazırlaya bilir. Üstəlik tostlar iki tərəfli qızarılır. Nəticədə, səhər yeməyinin hazırlanmasına daha az vaxt və güc sərf edəcəksiniz.

Toster 1000 Vt gücə və 7 qızartma dərəcəsinə sahibdir. Üst hissədə donun açılması, imtina və isitmə düymələri yerləşir. Dondurucuda saxladığınız çörəyin donunu aça və ya hazırladığınız tostu yenidən isidə biləcəksiniz. İmtina düyməsi hazırlama prosesini dayandırır. Çörək diliminin kifayət qədər qızardığını düşünürsünüzsə imtina düyməsinə basın. İdarə etmə panelində yerləşən düymələr işıqlandırma ilə təchiz edilib. Zəif işıq şəraitində belə cihazdan rahat istifadə edə biləcəksiniz.

İstifadədən sonra cihazı təmiz saxlamaq üçün əziyyət çəkməyəcəksiniz. Bütün çörək qırıntıları qurğunun alt hissəsində yerləşən metal altlıqda yığılır. Altlığı su altında yumaq və ya təmiz əski ilə silmək kifayətdir. Hazır tostları rahat çıxarda bilməyiniz üçün yan hissədə yerləşən qulpdan istifadə edin.