Oyun mouse-u, klaviatura və qulaqlıq seçərkən edilən 5 səhv

Oyun avadanlıqları: mouse, klaviatura və qarnitur seçimində 5 səhv

Təsəvvür et, rəqibini birinci görürsən, amma nişangahın qəfil istiqamətini dəyişir. Yaxud həlledici anda arxadan gələn addım səslərini eşitmirsən. Səbəb təkcə oyun bacarığın deyil, düzgün seçilməmiş avadanlıqlar da ola bilər. Oyun mouse-u, klaviatura və qarnitur idarəetmə dəqiqliyinə, əmrlərin yerinə yetirilmə sürətinə və rahatlığına təsir edir. RGB işıqlandırmaya və yüksək göstəricilərə aldanmadan seçim etməyin üçün ən çox rast gəlinən 5 səhvi nəzərdən keçirək.

Oyun avadanlıqlarının düzgün seçilməsi niyə vacibdir

Şuter oyunlarında dəqiq nişan almağa, strategiya oyunlarında düymələrdən rahat istifadə etməyə, komanda oyunlarında isə keyfiyyətli mikrofona ehtiyacın var. Dataintelo-nun məlumatına əsasən, oyun klaviaturaları bazarın təxminən 28,5%-ni, mouse-lar 26,8%-ni, qarniturlar isə 22,4%-ni təşkil edir.

Uzun müddət oyun oynayırsansa, mouse və klaviatura ilə yanaşı, gaming kreslo seçiminin də rahatlığına təsir etdiyini unutma.

Alış zamanı 3 əsas xüsusiyyəti qiymətləndir:

• Dəqiqlik: sensorun sabit işləməsi və düymələrə basılmasının düzgün qeydə alınması.

• Sürət: siqnalın minimum gecikmə ilə ötürülməsi.

• Erqonomika: uyğun ölçü, çəki və rahat istifadə.

Səhv №1: DPI, tezlik və 7.1 göstəricilərinə aldanmaq

DPI. Qutuda 20 000–40 000 DPI göstəricisi təsirli görünür, amma əksər oyunlar üçün 800–3200 DPI kifayətdir. Özünə uyğun həssaslığı seç və oyun daxilində tənzimlə. Maksimum göstərici nişan almağı avtomatik olaraq dəqiqləşdirmir.

Sorğu tezliyi. 1000 Hs tezlikdə məlumatlar 1 ms, 8000 Hs tezlikdə isə 0,125 ms intervalla ötürülür. Fərq bir millisaniyədən azdır, real cavab sürəti isə digər amillərdən də asılıdır. Əvvəlcə 1000 Hs seç, daha yüksək tezliyə yalnız ehtiyac duyduqda üstünlük ver.

7.1 səs. Virtual həcmli səs proqram vasitəsilə emal olunur. Bəzi oyunlarda atmosferi gücləndirsə də, rəqabətli şuterlərdə keyfiyyətli stereo rəqibin addımlarının istiqamətini daha dəqiq müəyyənləşdirməyə kömək edə bilər. Əlavə pul ödəməzdən əvvəl hər iki rejimi sına.

Səhv №2: Oyun mouse-unu əl ölçüsünə və tutuşa uyğun seçməmək

Bahalı mouse belə ovucuna uyğun gəlmirsə, idarəetməni çətinləşdirə bilər. Bəzi istifadəçilər kompüter siçanı ifadəsini işlətsələr də, gaming mouse seçərkən əsas diqqəti cihazın formasına, sensoruna və rahat tutuşuna yönəltməlisən.

FPS oyunlarında sürətli hərəkətlər üçün çəkisi 80 q-dan az olan mouse-u sına. Simmetrik korpus müxtəlif tutuşlara uyğun gəlir, erqonomik forma isə əlin müəyyən vəziyyətini dəstəkləyir. Şuterlərdə adətən 2 yan düymə kifayətdir. MMO oyunlarında əlavə düymələr və makroslar faydalıdır.

Simsiz mouse axtarırsansa, avtonomluq müddətini və bağlantının sabitliyini yoxla. Keyfiyyətli mouse pad seçməyi də unutma. Mousepad və ya mouse üçün xüsusi xalça alarkən səthin materialına, ölçüsünə diqqət et. İmkan varsa, maus modelini almamışdan əvvəl əlində sına.

Səhv №3: Oyun klaviaturasını yalnız işıqlandırmaya görə almaq

Membranlı klaviatura adətən daha sərfəli və səssizdir. Mexaniki klaviatura isə ayrıca açarlar sayəsində fərqli basılma hissiyyatı və daha geniş seçim imkanları təqdim edir.

Gaming klaviatura axtarırsansa, əvvəlcə sviçlər arasındakı fərqləri öyrən:

• Xətti: hamar basılır, sürətli əmrlər üçün uyğundur.

• Taktil: basılma anını hiss edirsən, həm oyun, həm də mətn yazmaq üçün əlverişlidir.

• Klikli: aydın səs çıxarır və mikrofon vasitəsilə eşidilə bilər.

• Optik: basılmanı işıq vasitəsilə qeydə alır.

• Maqnitli Hall Effect: uyğun modellərdə işə düşmə nöqtəsini və Rapid Trigger funksiyasını tənzimləməyə imkan verir.

Mexaniki açarlar seçərkən oyun vərdişlərini nəzərə al. Form-faktor da vacibdir. Full Size rəqəm bloku ilə rahatdır, TKL, 75% və 60% isə mouse üçün daha çox yer saxlayır.

Əlavə xüsusiyyətləri də yoxla:

• Anti-Ghosting və NKRO: eyni anda basılan düymələrin düzgün qeydə alınmasına kömək edir.

• Düymə başlıqları: PBT adətən ABS ilə müqayisədə mat səthini daha uzun müddət qoruyur.

• Hot-Swap: uyğun sviçləri lehimləmə olmadan dəyişməyə imkan verir.

Oyun üçün klaviatura seçərkən masanın ölçüsünü nəzərə al. RGB klaviatura gözəl görünə bilər, amma işıqlandırma əsas seçim meyarın olmasın.

Səhv №4: Bağlantını və platforma uyğunluğunu yoxlamamaq

Naqilli və simsiz avadanlıqların hər biri üstünlüklərə malikdir. Hansının sənə uyğun olduğunu müəyyənləşdirmək üçün bağlantıları müqayisə et.

Rəqabətli oyunlar üçün naqilli bağlantı və ya keyfiyyətli 2,4 QHs daha məqsədəuyğundur. Bluetooth vasitəsilə bəzi klaviaturalarda NKRO məhdudlaşa bilər.

Qarnitur almamışdan əvvəl PK, PlayStation və Xbox ilə uyğunluğunu yoxla. Səs işləsə də, 7.1, ekvalayzer və xüsusi proqram funksiyaları əlçatan olmaya bilər.

Müxtəlif kompüterlərdən istifadə edirsənsə, daxili profil yaddaşı işinə yarayacaq. Simsiz cihazlarda isə RGB işıqlandırma aktiv olduqda avtonomluq müddətini öyrən.

Səhv №5: Qarniturun rahatlığını və mikrofonunu qiymətləndirməmək

Oyun qulaqlıqları əla səslənə bilər, amma bir saatdan sonra qulaqlarını sıxırsa, istifadəsi narahat olacaq. Buna görə yalnız səs keyfiyyətini deyil, quruluşunu da qiymətləndir:

• Baş qövsü və çəki: başına həddindən artıq təzyiq göstərməməlidir.

• Qulaqlıq yastıqları: süni dəri səsləri daha yaxşı təcrid edir, parça və məxmər isə havanı rahat keçirir.

• Korpus: qapalı modellər xarici səsi daha çox təcrid edir, açıq modellər otaqdakı səsləri keçirir.

• Mikrofon: nitqin aydınlığını, səs-küyün azaldılması funksiyasını və çıxarılma imkanını yoxla.

• İdarəetmə: oyunun və səsli söhbətin səs səviyyələrini ayrıca tənzimləmək rahatdır.

Komanda ilə tez-tez danışırsansa, səsini təhrif etməyən mikrofonlu qulaqlıqlar seç. Keyfiyyətli qarnitur uzunmüddətli oyunlarda da rahat qalmalıdır.

Müqayisə cədvəli: mouse, klaviatura və qarnitur

Kontakt.az-da ən yaxşı 7 oyun avadanlığı

Bu modellər seçim zamanı sənə kömək edə bilər. Məhsulların mövcudluğunu və qiymətlərini sifarişdən əvvəl Kontakt.az-da yoxla.

Oyun mouse-ları

1. Razer Cobra USB Black. FPS üçün yüngül, naqilli modeldir. 8500 DPI optik sensor, təxminən 58 q çəki və USB bağlantısı təklif edir. Sürətli hərəkətləri sevirsənsə, uyğundur.

2. Razer Basilisk V3 X HyperSpeed. MOBA və MMO üçün erqonomik modeldir. 18 000 DPI sensor, 7 proqramlaşdırılan düymə, 2,4 QHs və Bluetooth dəstəyi var. Oyun əmrlərini mouse-a təyin edirsənsə, nəzərdən keçir.

Oyun klaviaturaları

3. Hama Exodus 220 TKL Black. 88 düyməli, RGB işıqlandırmalı, naqilli membranlı modeldir. Kiçik masa və məhdud büdcə üçün uyğundur.

4. Keychron K2 Version 3 Brown Switch. 84 düyməli, taktil Brown sviçləri olan yığcam mexaniki modeldir. Həm oynayır, həm də çoxlu mətn yazırsansa, rahat seçimdir.

5. Logitech G915 X Lightspeed. Alçaq profilli mexaniki açarlar, LIGHTSPEED texnologiyası və KEYCONTROL funksiyası ilə təchiz olunub. Geniş fərdiləşdirmə imkanları istəyirsənsə, bu modelə bax.

Oyun qulaqlıqları

6. HyperX Cloud III. 53 mm dinamikləri, çıxarılan mikrofonu, 3,5 mm və USB bağlantısı olan naqilli qarniturdur. Komanda şuterləri üçün nəzərdən keçir.

7. JBL Quantum 950. JBL Quantum Spatial Sound və səs-küyün azaldılması funksiyalı mikrofonla təchiz olunmuş simsiz modeldir. Süjetli oyunları və məkan səsini sevirsənsə, uyğun ola bilər.

Oyun janrına görə avadanlıqları necə seçməli

Kibersport ilə maraqlanırsansa, dəqiqliyə və sabit bağlantıya üstünlük ver. Sakit oyunlarda isə rahatlıq və səs keyfiyyəti daha vacibdir.

Populyar oyun avadanlığı brendləri

• Logitech G: mouse-lar və LIGHTSPEED simsiz texnologiyası. Logitech mouse modellərinə də baxa bilərsən.

• Razer: oyun sensorları, mexaniki açarlar və Synapse tənzimləmələri.

• HyperX: Cloud qarniturları və Alloy klaviaturaları.

• SteelSeries: Arctis qarniturları və Apex klaviaturaları.

• ASUS ROG: funksional avadanlıqlar və xüsusi proqramlar.

• JBL Quantum: məkan səsi texnologiyaları.

• Sony INZONE: PK və PlayStation üçün cihazlar.

Təkcə brendin məşhurluğuna deyil, modelin imkanlarına bax.

Tez-tez verilən suallar

Oyun üçün membranlı, yoxsa mexaniki klaviatura daha yaxşıdır?

Mexaniki modellər daha geniş açar seçimi və fərqli basılma hissiyyatı təqdim edir. Qiymət və səssiz işləmə sənin üçün vacibdirsə, membranlı model də uyğundur.

Oyun mouse-unu necə seçməlisən?

Ovucuna uyğun forma, tutuş, sensor və çəkini yoxla. FPS üçün yüngül, MMO üçün çoxdüyməli model sına.

Oyun mouse-u üçün neçə DPI lazımdır?

800–1600 DPI ilə başla və oyun daxilində həssaslığı tənzimlə. Əksər hallarda maksimum göstəriciyə ehtiyacın olmayacaq.

Simsiz, yoxsa naqilli oyun mouse-u daha yaxşıdır?

Sərbəst hərəkət istəyirsənsə, keyfiyyətli 2,4 QHs bağlantılı model seç. Enerji yığmaqla məşğul olmaq istəmirsənsə, naqilli variant uyğundur.

Oyun qulaqlıqlarında 7.1 səs vacibdirmi?

Mütləq deyil. Xüsusilə rəqabətli şuterlərdə əvvəlcə keyfiyyətli stereo səsi sına.

Qarnitur mikrofonu, yoxsa ayrıca mikrofon seçməlisən?

Komanda ilə danışmaq üçün keyfiyyətli qarnitur kifayətdir. Məzmun hazırlayırsansa, ayrıca mikrofon daha əlverişli ola bilər.

Klaviaturada oyun rejimini necə aktivləşdirməli?

Fn + Windows düymə kombinasiyasını, xüsusi düyməni və ya istehsalçının proqramını yoxla. Dəqiq üsul modeldən asılıdır.

Yekun: alışdan əvvəl yoxlama siyahısı

1. Mouse-un əlində rahat yerləşdiyini yoxla.

2. DPI göstəricisini ehtiyacına uyğun tənzimlə.

3. Klaviaturanın açarlarını düzgün seç.

4. Form-faktorun masaya uyğun olduğuna əmin ol.

5. Qulaqlıqları sına və mikrofonu yoxla.

6. PK və ya konsol uyğunluğunu dəqiqləşdir.

7. Makroslar, RGB və əlavə rejimlərə ehtiyacını müəyyənləşdir.

Rahat oyun dəsti toplamaq istəyirsən? Kontakt.az kataloqunda klaviatura qiymetleri, mouse qiymetleri və gaming mouse modellərini müqayisə et. Oyun üçün mouse, qulaqlıq və digər avadanlıqları ehtiyaclarına uyğun seçərək rahatlığını artır və lazımsız xərclərdən qaç.