MacBook Air və MacBook Pro müqayisəsi

MacBook Air vs MacBook Pro – modellərin tam müqayisəsi

Yeni Apple notbuku seçərkən yəqin ki, sən də özünə bu sualı vermisən: MacBook Pro daha yaxşıdır, yoxsa MacBook Air? İlk baxışdan bu modellər bir-birinə çox bənzəyir. Hər ikisi Apple Silicon çipləri, yüksək keyfiyyətli Retina ekranları, uzunmüddətli batareya ömrü və premium alüminium korpusla təchiz olunub. Lakin əslində onlar tamamilə fərqli istifadə ssenariləri üçün hazırlanıb.

Bu məqalədə MacBook Air vs MacBook Pro müqayisəsini ətraflı şəkildə aparacaq, MacBook Pro və MacBook Air arasındakı fərqləri izah edəcək və əsas fərqləri nəzərdən keçirəcəyik. Beləliklə, ehtiyaclarına ən uyğun modeli seçmək sənin üçün daha asan olacaq.

MacBook Air və MacBook Pro arasındakı əsas fərqlər

Gördüyümüz kimi, MacBook Air və MacBook Pro arasındakı fərq yalnız texniki xüsusiyyətlərlə məhdudlaşmır.

Əgər hər gün özünlə rahat daşıya biləcəyin yüngül notbuk axtarırsansa, əsasən sənədlərlə, brauzerlə, təqdimatlarla işləyir, film izləyir və vaxtaşırı foto redaktəsi edirsənsə, MacBook Air sənin üçün əla seçim olacaq.

MacBook Pro isə fərqli istifadə ssenariləri üçün hazırlanıb. Əgər proqramlaşdırma, video montajı, dizayn, 3D qrafika ilə məşğulsansa və ya mütəmadi olaraq ağır layihələr üzərində işləyirsənsə, bu seriya sənə maksimum məhsuldarlıq təqdim edəcək.

Dizayn və daşınma rahatlığı

MacBook Air mümkün qədər yüngül və kompakt notbuk kimi hazırlanıb. 13 düymlük modelin korpus qalınlığı cəmi 1,13 sm, 15,3 düymlük versiyada isə 1,15 sm təşkil edir. Çəkisi isə 1,24 kq-dan başlayır. Buna görə də notbuk bel çantasında və ya çantada demək olar ki, hiss olunmur.

MacBook Pro modellərində isə korpus daha qalındır. 14 düymlük modelin qalınlığı 1,55 sm, 16 düymlük modelinki isə 1,68 sm təşkil edir. Çəkisi konfiqurasiyadan asılı olaraq 1,6–2,14 kq arasında dəyişir.

MacBook Pro ilə MacBook Air arasındakı digər vacib fərq soyutma sistemidir. MacBook Air passiv soyutma sistemi ilə işlədiyi üçün korpusunda havalandırma dəlikləri yoxdur.

MacBook Pro isə aktiv soyutma sisteminə malikdir. Korpusunda yerləşən havalandırma dəlikləri uzunmüddətli yüksək yüklənmə zamanı temperaturun sabit qalmasına kömək edir. Buna görə də belə işlər zamanı notbukdan masa üzərində istifadə etmək daha rahatdır.

MacBook Air bir neçə rəng variantında təqdim olunur: Midnight, Silver, Starlight və Sky Blue. Bu isə zövqünə uyğun modeli seçməyi asanlaşdırır. MacBook Pro isə daha klassik rəng palitrasına malikdir və yalnız Silver və Space Black rənglərində təqdim edilir. 

Ekran və görüntü keyfiyyəti

MacBook Pro ilə MacBook Air arasındakı fərqlər ən çox ekran və görüntü keyfiyyətində özünü göstərir.

MacBook Air Liquid Retina ekranla təchiz olunub. Bu ekran sənədlərlə işləmək, internetdə gəzmək, film izləmək, foto redaktəsi aparmaq və hətta yüngül video montajı üçün tam kifayət edir.

Əgər peşəkar şəkildə qrafika, video montajı, rəng korreksiyası və ya HDR məzmunla işləyirsənsə, MacBook Pro daha geniş imkanlar təqdim edir. Bu modellərdə Mini-LED texnologiyalı Liquid Retina XDR ekran istifadə olunur. O, daha yüksək kontrast, daha yüksək parlaqlıq və 120 Hz-ə qədər adaptiv yenilənmə tezliyini dəstəkləyən ProMotion texnologiyası ilə seçilir.

Xüsusiyyətləri daha rahat müqayisə etmək üçün aşağıdakı cədvələ bax.

Məhsuldarlıq və çiplər

MacBook Air vs MacBook Pro müqayisəsini yalnız real istifadə zamanı tam qiymətləndirmək mümkündür. 

• MacBook Air Apple-ın M seriyalı çipləri ilə təchiz olunur. Bu çiplər yüksək məhsuldarlıq təqdim edir və gündəlik istifadə üçün nəzərdə tutulan əksər tapşırıqların öhdəsindən rahatlıqla gəlir. Modeldən asılı olaraq notbuk 10 nüvəyədək CPU və 10 nüvəyədək GPU ilə təchiz olunur. Birləşdirilmiş yaddaşın ötürmə qabiliyyəti 100–150 GB/s, maksimal operativ yaddaş həcmi isə 32 GB-a qədərdir.

• Daha yüksək performansa ehtiyacın varsa, MacBook Pro modellərinə diqqət yetirməyə dəyər. Bu seriyada Apple M seriyalı çiplərlə yanaşı M Pro və M Max prosessorlu modellər də təqdim olunur. Onlar 16 nüvəyədək CPU, 40 nüvəyədək GPU, 400 GB/s-ə qədər yaddaş ötürmə qabiliyyəti və 128 GB-a qədər birləşdirilmiş yaddaş təklif edir. Bundan əlavə, aktiv soyutma sistemi uzunmüddətli yüksək yüklənmə zamanı performansın sabit qalmasını təmin edir.

Operativ yaddaş və SSD

Yeni MacBook seçərkən nəzərə almaq lazımdır ki, operativ yaddaş (RAM) və SSD ana plata üzərində lehimlənib. Buna görə də cihazı aldıqdan sonra onların həcmini artırmaq mümkün deyil.

Aşağıdakı cədvəldə hər iki seriyanın əsas konfiqurasiyalarını müqayisə edə bilərsən.

Soyutma sistemi

MacBook Air və MacBook Pro arasında seçim edərkən diqqət yetirməli olduğun vacib məqamlardan biri də soyutma sistemidir.

• MacBook Air passiv soyutma sistemi ilə işləyir. Korpusun daxilində ventilyator yoxdur və çipdən yaranan istilik alüminium korpus vasitəsilə yayılır. Bu, notbukun tam səssiz işləməsinə imkan verir.

• MacBook Pro isə ventilyatorlarla təchiz edilmiş aktiv soyutma sistemindən istifadə edir. Bu sistem uzunmüddətli yüksək yüklənmə zamanı optimal temperaturu qoruyur və performansın aşağı düşməsinin qarşısını alır.

Batareya ömrü və enerji doldurma

Uzun batareya ömrü uzun illərdir ki, Apple notbuklarının əsas üstünlüklərindən biri hesab olunur. Enerji baxımından səmərəli Apple Silicon çipləri sayəsində hər iki seriya bir enerji doldurması ilə bütün gün işləyə bilir.

Bununla belə, MacBook Air və MacBook Pro enerji sərfiyyatı baxımından müəyyən fərqlərə malikdir.

Portlar və qoşulma imkanları

Notbuk almadan əvvəl nəzərə alınmalı olan digər vacib məqamlardan biri portların sayı və növüdür. Xüsusilə xarici qurğulardan tez-tez istifadə edirsənsə, MacBook Air ilə MacBook Pro arasındakı fərq burada daha aydın hiss olunur.

MacBook Air minimalist yanaşmanı qoruyur. O, iki Thunderbolt / USB 4 portu, MagSafe enerji doldurma girişi və 3,5 mm qulaqlıq çıxışı ilə təchiz olunub.

Əgər mütəmadi olaraq xarici monitorlar, kameralar, yaddaş kartları və ya peşəkar avadanlıqlarla işləyirsənsə, MacBook Pro daha funksional seçim olacaq. Burada üç Thunderbolt portu, HDMI 2.1, SDXC yaddaş kartı yuvası və daha çox sayda xarici displey qoşmaq imkanı mövcuddur.

Klaviatura və multimedia

Əgər tez-tez mətn yazır, videokonfranslarda iştirak edir və ya xarici səs sistemindən istifadə etmədən film izləməyi sevirsənsə, bu bölmə MacBook Air ilə MacBook Pro arasındakı gündəlik istifadə fərqlərini daha yaxşı anlamağa kömək edəcək.

Yaxşı xəbər odur ki, hansı modeli seçməyindən asılı olmayaraq, hər iki notbuk Apple Magic Keyboard klaviaturası ilə təchiz olunub. Bu klaviatura rahat düymə gedişi və yüksək rahat yazı təcrübəsi təmin edir.

Multimedia imkanlarının müqayisəsi

İstifadə ssenariləri

Texniki xüsusiyyətləri müqayisə etdikdən sonra əsas sual yaranır: hansı MacBook modeli sənə daha uyğundur?

• Əgər təhsil, ofis işi və gündəlik istifadə üçün notbuk axtarırsansa, MacBook Air əla seçim olacaq. Bu model yüngül korpusu, rahat daşınması və uzun batareya ömrü ilə gündəlik istifadə üçün ideal seçimdir.

• Əgər notbuk sənin əsas iş alətin olacaqsa, MacBook Pro daha uyğun seçimdir. O, proqramlaşdırma, peşəkar video montajı və yüksək resurs tələb edən tətbiqlərlə işləmək üçün nəzərdə tutulub.

Müqayisə cədvəli

MacBook Pro və MacBook Air modellərini əsas xüsusiyyətlər üzrə aşağıdakı cədvəldə müqayisə edə bilərsən.

Qiymət və mövqeləndirmə

MacBook Air vs MacBook Pro müqayisəsində yalnız qiymətə deyil, həmin qiymətə əldə etdiyin imkanlara da diqqət yetirmək vacibdir.

MacBook Air 13 modelinin qiyməti 2749,99 AZN-dən, MacBook Air 15 modelinin qiyməti isə 2999,99 AZN-dən başlayır. Bu qiymətə Apple-ın müasir M seriyalı çipi, yüksək keyfiyyətli Retina ekranı, uzun batareya ömrü və əksər istifadəçilərin ehtiyaclarını qarşılayan yüngül premium notbuk əldə edirsən.

MacBook Pro 14 modeli 3999,99 AZN-dən, MacBook Pro 16 modeli isə 5999,99 AZN-dən başlayır. Daha yüksək qiymət güclü M Pro və M Max çipləri, Liquid Retina XDR ekranı, aktiv soyutma sistemi, daha zəngin port dəsti və daha böyük yaddaş konfiqurasiyalarını dəstəkləməsi ilə əsaslandırılır.

Üstünlükləri və çatışmazlıqları

Apple MacBook Pro vs MacBook Air müqayisəsi göstərir ki, bu iki seriya fərqli istifadə ssenariləri üçün hazırlanıb.

Əgər sənə yüngül, səssiz və universal notbuk lazımdırsa, MacBook Air aşağıdakı üstünlükləri təqdim edir:

• kompakt ölçülər və yüngül çəki sayəsində hər gün rahatlıqla özünlə apara bilərsən;

• passiv soyutma sistemi hesabına tam səssiz işləyir;

• True Tone texnologiyasını dəstəkləyən yüksək keyfiyyətli Liquid Retina ekranla təchiz olunub.

Bununla yanaşı, nəzərə almaq lazımdır ki, yüksək resurs tələb edən layihələr üzərində uzun müddət işlədikdə aktiv soyutma sistemi olmadığı üçün performans müəyyən qədər azala bilər.

Əgər peşəkar proqramlarla işləyirsənsə, MacBook Pro daha geniş imkanlar təqdim edir:

• Apple M Pro və Apple M Max çipləri sayəsində yüksək performans;

• Mini-LED və ProMotion texnologiyalarını dəstəkləyən Liquid Retina XDR ekran;

• əlavə adapterlərə ehtiyac olmadan daha zəngin port seçimi;

• böyük həcmdə operativ yaddaş və SSD konfiqurasiyalarını dəstəkləməsi;

• güclü səs sistemi və studiya səviyyəli mikrofonlar.

Bununla yanaşı, MacBook Pro daha ağırdır. Yüksək yüklənmə zamanı ventilyatorlar işləməyə başlayır və soyutma sisteminin səmərəli işləməsi üçün onu vaxtaşırı tozdan təmizləmək tövsiyə olunur.

Air və Pro modelləri kimlər üçün uyğundur 

Əgər müqayisədən sonra hələ də hansı modeli seçəcəyinə qərar verə bilmirsənsə, ilk növbədə notbukdan necə istifadə edəcəyini nəzərə al.

MacBook Air sənə uyğundur, əgər:

• sənədlər, cədvəllər, təqdimatlar və brauzerlə işləyirsənsə;

• yüngül və orta səviyyəli video montajı edirsənsə;

• notbuku tez-tez özünlə aparırsansa.

MacBook Pro seçmək daha məqsədəuyğundur, əgər:

• peşəkar şəkildə proqramlaşdırma ilə məşğulsansa;

• mütəmadi olaraq video montajı edirsənsə;

• qrafik dizayn, animasiya və ya 3D layihələr üzərində işləyirsənsə;

• yüksək məhsuldarlıq tələb edən peşəkar proqramlardan istifadə edirsənsə;

• eyni anda bir neçə monitor və müxtəlif xarici avadanlıqlar qoşmağı planlaşdırırsansa.

Tez-tez verilən suallar

MacBook Air işləmək üçün kifayət edirmi?

Bəli. Əgər sənədlərlə, brauzerlə, elektron cədvəllərlə və təqdimatlarla işləyirsənsə və ya vaxtaşırı video montajı edirsənsə, MacBook Air bu tapşırıqların öhdəsindən rahatlıqla gəlir.

MacBook Pro üçün əlavə ödəniş etməyə dəyərmi?

Bəli, əgər mütəmadi olaraq video montajı, proqramlaşdırma, dizayn və ya 3D qrafika ilə işləyirsənsə. Belə istifadə ssenarilərində MacBook Pro təqdim etdiyi yüksək performans sayəsində öz üstünlüyünü aydın şəkildə göstərir.

Təhsil üçün hansı model daha uyğundur?

Təhsil üçün MacBook Air daha uyğun seçim hesab olunur. O, daha yüngül, daha kompaktdır, bir enerji doldurması ilə daha uzun müddət işləyir və gündəlik istifadə üçün kifayət qədər yüksək performans təqdim edir.

MacBook Air ilə video montajı etmək mümkündürmü?

Bəli. MacBook Air yüngül və orta səviyyəli video montajı üçün kifayət qədər məhsuldardır. Daha mürəkkəb və peşəkar layihələr üzərində işləyəcəksənsə, MacBook Pro daha uyğun seçim olacaq.

Nəticə

Artıq MacBook Air ilə MacBook Pro arasındakı əsas fərqləri və seçim edərkən hansı xüsusiyyətlərə diqqət yetirməli olduğunu bilirsən.

Əgər sənə yüngül, səssiz və uzun batareya ömrünə malik notbuk lazımdırsa, MacBook Air əla seçim olacaq. Daha yüksək performans tələb edən peşəkar tapşırıqlar üçün isə MacBook Pro daha məqsədəuyğundur.

Kontakt.az saytında rəsmi zəmanətlə təqdim olunan orijinal MacBook Pro və MacBook Air-i müqayisə edərək, ehtiyaclarına uyğun ən yaxşı notbuku seç.